நாள்: 22.11.2007
நம் தாய் மொழியாகியத் தமிழ், செம்மொழி நிலையை 2004ஆம் ஆண்டு அடைந்து விட்டது. தமிழர்களாகிய நாம் தனித் தமிழ்ச் சொற்களைப் பயன்படுத்தாமல் பேச்சு வழக்கிலும் இலக்கண வழக்கிலும் பிற மொழிச் சொற்களைப் பயன்படுத்துதல் நன்றன்று.
தமிழ் தாயின் தலைச்சிறந்த பிள்ளைகளான மொழிஞாயிறு ஞா. தேவநேயப் பாவாணர், பரிதி மாற் கலைஞர், மறைமலை அடிகளார் மற்றும் அவர் மகள் திருமதி. நீலாம்பிகை அம்மையார் ஆகியோர் வித்திட்ட தனித் தமிழ் இயக்கம் இன்று ஆலமரமாக வளர்ந்து தமிழ் மொழிக்கு உயரிய நிலையாகிய செம்மொழி நிலையினைப் பெற்றுத் தந்துள்ளது. நாம் அவ்வாலமரத்தின் விழுதுகளாகத் திகழ்வதே தமிழ்த் தாய்க்கு நாம் பூட்டும் மங்காத அணிகலனாகும்.
மேற்குறிப்பிட்டுள்ள சான்றோர்களின் படைப்புகளை படித்து அவைகளிலிருந்து நான் அறிந்துக் கொண்ட தனித் தமிழ்ச் சொற்களைத் தற்போது உங்களுடன் பகிர்ந்துக் கொள்ள விரும்புகிறேன். (பெரும்பாலானற்றை பாவாணர் அவர்களுடைய படைப்புகளிலிருந்தே நான் அறிந்துக் கொண்டேன். தமிழ்க் கூறும் நல்லுலகம் பாவாணர் அவர்களுக்கு என்றும் நன்றிக் கடன் பட்டுள்ளது என்பதில் எள்ளளவும் ஐயம் இல்லை
)
பிறமொழிச் சொற்கள்/இனிய தமிழ்ச் சொற்கள்
* பிரதம மந்திரி/தலைமை அமைச்சர்
* புதன் கிழமை/அறிவன் கிழமை
* சனிக் கிழமை/காரிக் கிழமை
* அபிஷேகம்/திருமுழுக்கு
* கும்பாபிஷேகம்/குடமுழுக்கு
* தேகம், சரீரம்/யாக்கை, உடல்
* சருமம்/தோல்
* இரத்தம்/குருதி
* அல்வா/தேங்கூழ்
* இரசம்/சாறு
* தம்பதியர்/வாழ்விணையர்
* Coffee/குளம்பி
* Tea/தேனீர்
* Almirah/அடுக்கு அறை
* சந்திரன்/நிலா, மதி
* பூஜை/வழிபாடு
* பாயாசம்/திருக்கண்ணமுது
* விபூதி/திருநீறு
* ஜலதோஷம்/நீர்க்கோவை
* ஜுரம்/காய்ச்சல்
* மாமிசம்/இறைச்சி
* வைச உணவு/மரக்கறி உணவு
* வீரம்/மறம்
* வேதம்/மறை
* சிருஷ்டி/படைப்பு
* அங்கம்/உறுப்பு
* தேசம்/நாடு
* நாசம், சேதம்/அழிவு
* பலம்/ஆற்றல்
* சம்பந்தி/மருவினோர்
* ஜாதி/வகுப்புப் பரிவு
* ஜாதகம்/பிறப்புப் குறிப்பு
* மரணம்/இறப்பு
* ஜனனம்/பிறப்பு
* நட்சத்திரம்/திருக்கோள்
* யோகம்/நல்லோரை
* லக்னம்/நன்முழுத்தம்
* சித்தம்/உள்ளம்
* பக்ஷி/பறவை
* விருக்ஷம்/மரம்
* நதி/ஆறு
* லாபம்/வருமானம்
* லஞ்சம்/கையூட்டு
* பாக்கியம், புண்ணியம்/நற்பேறு
* அதிர்ஷ்டம்/நல் ஊழ்
* சூரியன்/கதிரவன், பரிதி
* துர்திஷ்டம்/தீயூழ்
* ஷணம்/நொடிப் பொழுது
* நிபுணர்/வல்லுநர்
* நாகம்/பாம்பு
* கிரி/குன்று
* கர்மம்/வினை
* கருணை/தண்ணளி
* சக்கரம்/திகிரி
* யாகம்/வேள்வி
* சோதனை/ஆய்வு
* வாயு/வளி, காற்று
* சகோதரர்/உடன் வயிற்றோர்
* உதிரம்/குருதி
* உதரம்/வயிறு
* குணம்/பண்பு
* ஞாபக சக்தி/நினைவு ஆற்றல்
* ஓதுதல்/படித்தல்
* விவாகம்/திருமணம்
* இரட்சித்தல்/பாதுகாத்தல்
* பிரார்தனை/வேண்டுதல்
* நமஸ்காரம்/வணக்கம்
* வார்த்தை/சொல், கிளவி, மொழி
* தினம்/நாள்
* ஆசிர்வாதம்/அருள்
* சாஸ்திரி/கலைஞர்
* சபை/அவை
* நீதிபதி/மெய் காண்
* பதி/அரசன்
* ஸ்நானம்/குளியல்
* ஆஸ்தி, சொத்து/உடைமை
* ஆசை/விருப்பம்
* பிச்சை/யாசகம்
* பிரதி வாரம்/வாரந்தோறும்
* குஞ்சித பாதம்/தூக்கியத் திருவடி
* புத்தகம்/நூல்
* வியாபாரம்/வணிகம்
* தாமதம்/காலம் தாழ்த்துதல்
* சேவை/தொண்டு
* சகாயம்/உதவி
* ஆகாயம்/வானம்
* ராத்திரி/இரவு
* மத்யானம்/நண்பகல்
* சப்தம்/ஒலி
* ஆகாரம்/உணவு
* விமானம்/வானூர்தி
* அதிகாரம்/ஆட்சி உரிமை
* திருஷ்டி/கண்ணேறு
* ஜனாதிபதி/குடியரசுத் தலைவர்
* விஞ்ஞானம்/அறிவியல்
* வாக்கியம்/சொற்றொடர்
* பிரசங்கம்/சொற்பொழி
* துவிபாஷி/இருமொழியாளர்
* துவஜஸ்கம்பம்/கொடி மரம்
* ராஜா/அரசன், மன்னன்
* ராணி/அரசி
* மந்திரி/அமைச்சர்
* வாகனம்/ஊர்தி
* புத்தி/அறிவு
* சிகை/தலை
* அலங்காரம்/அணி
* வேகம்/விரைவு
* வீரம்/மறம்
* தானம், தருமம்/கொடை
இறைவன் அளவற்ற அருளாளன்; நிகரற்ற அன்புடையோன்
- திருக்குர்ஆன்
1 comment:
நீங்கள் வடமொழியென நிறுவும் தனித்தமிழ் சொற்களை என் சிற்றறிவுக்கு எட்டிய வரை கண்டெடுக்கிறேன்.
அரத்தம்(இரத்தம்), பூசை(பூஜை), வீரம், தேசம், சாதி(ஜாதி), மரணம், நாகம்,கரும்ம்(கர்மம்), சக்கரம், சோதனை, குணம், ஓதுதல், புத்தகம், அதிகாரம், தானம், தருமம், இவையெல்லாம் தமிழ்(தனித்தமிழ்) சொற்களே. இன்னும் எவ்வள்வு இருக்கோ??
மேலும் விளக்கங்களுக்கு,
http://valavu.blogspot.com/
http://www.tamilvu.org/library/lA460/html/lA460hom.htm
இவ்விரு இணைப்பையும் வாசியுங்கள்.
நன்றி,
கி. அருள்.
Post a Comment